Grafitiak ikastolako sarreran

Abenduan, Euskararen Eguna ospatzeko, grafiti lehiaketa bat antolatu genuen goiko ikastetxean. Ikasle guztien lanak zintzilik jarri ziren eta denen artean lanik dotoreena aukeratu genuen. Jon Oiarzabalen grafitia izan zen jendearen gustukoena. Orain,eguraldi onarekin, Gaston Majarena komikigilearen laguntzaz ikastolako sarreran dagoen paretean grafitiak egiten ari gara. Gastonek grafiti bakarra egin beharrean, gehiago egiteko aukera luzatu zigun. Bere laguntzaz hainbat lan hautatu eta dagoeneko hasiak gara bazterrak kolorez betetzen. Hurrengo ekainaren 9an, jaialdi egunean, ikastolara gerturatzean ahoa bete hortz geratuko zarete gure arte lanak ikusita. Bai horixe!