Haurtzaroa behin
gaindituta, gazteengan irakurzaletasuna mantentzea zaila izaten da
zenbait kasutan. Zaletasun hau piztuta mantentzeko era bat gaur egun
gure inguruan ditugun baliabideetara, hau da, tablets eta
ordenagailuetara edukiak egokitzea litzateke. Liburutegi Nagusiak hau
gauzatu asmoz, 10-12 urteko gaztetxoentzat dohaineko tailerrak
antolatu ditu.
Tailer hauek euskaraz
izango dira Fernando Morillo idazlearen eskutik. Azaroan hasi eta
apirila bitartean hilabeteko bigarren ostiralean izango dira saioak
18.00-tan hasi eta 19.30-ak arte Fermin Calbeton-go Liburutegi
Nagusian. Taldeak hogei lagunekoak izango dira gehienez. Izen ematea
haurliburutegia@donostia.org
helbidean egingo da.
Eskaintza honen
helburuak irakurketa eta idazketa sustatzea; teknologia berriak
irakurketa eta kulturarekin harremantzea eta irakurketa modu zabalago
batez proposatzea lirateke.
Euskal idazleek
euskaraz idatzitako testuak oinarritzat harturik jarduera
desberdinak gauzatuko dituzte: testuak osatu, musika txertatu,
informazioa bildu, eszena desberdinak antzeztu, entzuketa landu,
imajinak sortu... Ipads eta ordenagailuak erabiliko dituzte jarduera
hauetan.
No hay comentarios:
Publicar un comentario